MBRETI QË KTHEU NË AR GJITHÇKA QË PREKU

Sipas mitologjisë Greke, Midasi, mbret i Frigjisë, dikur mirëpriti në pallatin e vet me të gjitha nderimet, Sileniusin, krahun e djathtë të Dionisit, Zotit të Verës. Kur ky gjest bujar ra në veshin e Dionisit, ai i tha mbretit, kërkomë ç‘ të duash, në këmbim të mirësisë së bërë karshi mikut të tij besnik.

Midasi iu përgjigj se vetëm një dëshirë kishte: që çfarëdo që të prekte me dorë, të kthehej në ar.

Në të vërtetë, ai nuk kishte llogaritur aspak se sa dëshpërim do t’i krijonte një kërkesë e tillë, në të ardhmen e afërt.
Shumë shpejt, mbreti filloi të vuante pasojat e bollëkut, përditë rrezikonte të vdiste nga uria, pasi ushqimi që prekte me dorë, kthehej në ar. Shpresëhumbur, një ditë prej ditësh, teksa përqafoi të bijën për të gjetur pak ngushëllim, ajo u kthye në statujë prej ari.

Thellësisht i zhgënjyer dhe i hidhëruar nga humbja e së bijës, Midasi i kërkoi Dionisit që ta shpëtonte nga gjendja që po përjetonte. Zoti e këshilloi të lahej në lumin e Pactolusit për të rigjetur qetësinë e humbur. Prej asaj kohe, lumi rridhte vetëm… ar!
Ar, që më vonë do të bëhej burim i pasurisë së Midasit, i cili mbretëroi gjatë viteve 500-546 p.e.r./albstroka.com/

© AlbStroka.com