RECETA 1 MINUTËSHE QË ELIMINON RRUDHAT E FYTYRËS, (EKSKLUZIVE)

© Lorena Stroka

Përshëndetje të gjithëve!

Në qoftë se jeni nga ato femra, që e kanë bezdi të rrinë gjithë ditën para pasqyrës duke provuar gjithfarë kremrash, do t’ju ftoja të lexonit recetën e mëposhtme. Së pari, sepse përgatitet për 1 minutë, dhe e dyta, sepse efektet e saj janë mëse të menjëhershme, (sidomos nëse jeni në fazat e para të rrudhave).

Përbërësit

1 filxhan kafeje bollgur

gjysmë filxhani (kafeje) mjaltë të pastër (fshati)

1 filaxhan (kafeje) kos të freskët

Përgatitja

Në një tas shtoni të gjithë përbërësit e mësipërm dhe përziejini mirë së bashku derisa të krijohet një masë e trashë. Pastaj, aplikojeni në fytyrë të pastër, duke e lënë të veprojë për rreth 10 minuta. Në fund, shpëlahuni me ujë të ftohtë dhe përhapni kremin tuaj hidratues. Përsëriteni 1-2 herë në javë, mundësisht para se të flini./albstroka.com/

© AlbStroka.com